Межава. Палац і парк.

У XVIII і XIX стагоддзях уладальнікамі Межава былі магнаты Любамірскія. Ганна, дачка князя Канстанціна Любамірскага, выйшла замуж за графа Францыска Лубенскага, і ўладальнікамі стала сям'я Лубенскіх. Палацава-паркавы ансамбль быў створаны ў канцы ХІХ стагоддзя. Сын Ганны і Францыска Леў Лубенскі пабудаваў палац у стылі мадэрн. Таксама былі пабудаваны гаспадарчыя пабудовы з броварам.

Пасля рэвалюцыі ў палацы размяшчаўся клуб, а пасля вайны будынак быў перабудаваны ў стылі сталінскага ампіру. Цяпер у былым палацы размяшчаецца некалькі ўстаноў: клуб, крама і праваслаўная царква Серафіма Сароўскага. Перад царквой усталяваны старажытны мураваны крыж.

Парк разбіты на месцы ўзгорка і даліны, дзе ўпадаюць ручай Варанец і рака Скуп'я. Парк размешчаны за былым палацам на ўзгорку, да яго можна дабрацца па пешаходным мосце праз ручай. З левага боку да нядаўняга часу знаходзіўся будынак бровара, знесены пару гадоў таму. За сажалкай віднеецца цагляная царква XIX стагоддзя.