Рамель. Царква Святога Архангела Міхаіла

У Столінскім раёне недалёка ад Давід – Гарадка ёсць мястэчка Рамель. Пасярод мястэчка знаходзіцца ўнікальная драўляная праваслаўная царква, якая асвячоная ў гонар Святога Архангела Міхаіла.

 Упершыню ў гістарычных крыніцах Рамель сустракаецца ў 1452 годзе. У розныя перыяды гэтымі мясцінамі валодалі Горагляды, Ромульты, Траскоўскія і Шпігановічы. Пасля Рыжскага міру Рамель уваходзіла ў склад Лунінецкага павета Палескага ваяводства ў 1921 – 1939 гадах.

 Драўляная царква Святога МІхаіла пабудавана ў эпоху Вялікага Княства Літоўскага ў 1762 годзе. Гэта царква  ўнікальны помнік архітэктуры, бо  яна дагэтуль пакрыта гонтам – яе дах пакрыты тонкай драўлянай шчапой, як калісці пакрывалі многія будынкі на Беларусі ў старажытныя часы. У 1903 годзе была знесена вежа – званіца, якая стаяла асобна ад царквы. І новую званіцу прыбудавалі да асноўнага аб'ёма з заходняга фасада.

Пасля Вялікай Айчыннай вайны ў савецкі час царкву зачынілі. У будынку адчынілі вясковую бібліятэку. Частка храмавых рэчаў была разрабавана і знішчана. Напрыканцы існавання Савецкага Саюза святыню перадалі праваслаўным вернікам. Быў праведзены рамонт і ў 1989 годзе царка адчыніла зноў свае дзверы.

. Драўляная царква складаецца з 4 асноўных частак: прытвор, трапезная, малітоўная зала і апсіда. Над прытворам надбудавана вежа – званіца. Асноўны аб'ём накрыты вальмавым дахам. Інтэр'ер зальнага тыпу.

На сродкі прыхаджан у мястэчку быў пабудаваны новы мураваны праваслаўны храм, які асвяціў архіепіскап Пінскі і Лунінецкі Стэфан