Радашковічы. Помнік экіпажу Гастэлы

Як будзеце ехаць па трасе Мінск – Вільнюс і будзеце праязжаць паварот на Радашковічы ў Маладзечанскім раёне, то з правага боку каля дарогі пабачыце мемарыял, які прысвечаны подзвігу савецкіх лётчыкаў экіпажа Мікалая Гастэла.

У першыя дні Вялікай Айчыннай вайны 26 чэрвеня 1941 года, эскадрылья савецкіх самалётаў пад камандваннем капітана М. Ф. Гастэла, вылецела на бамбандзіроўку танкавай калоны гітлкраўскіх захопнікаў на дарозе Маладзечна – Радашковічы. У час бою ў самалёт М. Гастэла патрабіў снарад і ўзнік пажар. Савецкія лётчыкі накіравалі самалёт у самае скапленне нямецкіх танкаў і аўтамашын.

М. Гастэла пасмяротна было прысвоена званне Героя Савецкага Саюза, а астатнія члены экіпажа ўзнагароджаны ордэнам Айчыннай вайны 1 – й ступені.

У 1964 годзе быў усталяваны на месцы гэтых гераічных падзей помнік.

У 1976 годзе на месцы подзвігу экіпажа Гастэла быў адкрыты мемарыял. Скульптары А. Анікейчык, архітэктар Л. Левін, Ю. Градаў. Вышыня абеліска складае 10 метраў. Вышыня бюста 5 метраў. Абеліск нахілены да дарогі і завершаны бюстам Мікалая Гастэла. Дарога, якая вядзе ў гару, выкладзена каменнем і засыпана гравіем. На дарозе знаходзяцца схематычныя выявы крылаў 4 птушак з імёнамі лётчыкаў экіпажа М. Гастэла. Каля гары ўсталяваны 2 валуны, паміж якімі сцена з надпісам: «26 чэрвеня 1941 г. тут здзейсніў подзвіг экіпаж Героя Савецкага Саюза Мікалая Гастэлы.»

Пазней стала вядома, што подзвіг экіпажа М. Гастэла быў здзейснены крыху ў іншым месцы каля вёскі Мігаўка. А менавіта каля Радашковічаў зрабіў таран іншы экіпаж пад камандаваннем капітана А. Маслова. Пра гэта стала дакладна вядома толькі ў 1996 годзе.