Радашковічы. Касцёл Святой Троіцы

На шляху з Мінска на Маладзечна знаходзіцца невялікі гарадок Радашковічы. Першае пісьмовае ўпамінанне адносіцца да 15 стагоддзя, калі віленскі кашталян Пётр Сенька Гедыгольдавіч у 1447 годзе фундаваў тут каталіцкі касцёл у гонар Святой Троіцы. У 16 – 19 стагоддзях у Радашковічах на Святую Троіцу ў мястэчку штогод ладзіўся кірмаш. У 19 стагоддзі ў час пажара загінуў старажытны драўляны баракальны касцёл.

У 1855 годзе па фундацыі памешчыка Валадковіча і за сродкі парфіянаў адбылася закладка новага мураванага касцёла. К 1859 году новы храм пабудавалі ў стылі поздняга класіцызму. У верасні 1860 года храм асвяцілі пад старой назвай Святой Троіцы. Да касцёла ў Радашковічах было яшчэ прыпісана некалькі касцёлаў і капліц. У 1882 годзе ў касцёле ў Радашковічах быў ахрошчаны Народны паэт Беларусі Янка Купала.

Пасля вайны касцёл зачынілі і тут працаваў цэх па вырабу керамічнага посуду. З 19090 года храм вернуты вернікам і пачалася рэстаўрацыя. У галоўны алтар усталявалі абраз Святой Троіцы, левы бакавы алтар асвяцілі ў гонар Маці Божай Чанстаховай, а правы – у гонар Божай Міласэрнасці.

Касцёл трохнефны. Мае 2 вежы на галоўным фасадзе. Вежы – званіцы маюць 3 ярусы. Паміж вежамі трохкутны франтон. Асноўны аб'ём будынка ў плане прамавугольны. Накрыты двухсхільным дахам. У інтэр'еры маюцца хоры. Вакол касцёла мураваная агароджа з трохарачнай брамай.