Радашковічы. Царква Святога Ільі

У мястэчку Радашковічы Маладзечанскага раёна ёсць шмат помнікаў гісторыі і архітэктуры. Калі вы захочыце ў гэтым невялікім гарадку пабачыць панараму ўсяго мястэчка, то вам трэба прыехаць да Ільінскай гары і забрацца на ўзгорак пехатой. Бо гара такая крутая, што машына туды не заедзе. І вам адкрыецца незвычайнай прыгажосці панамарама. А на самым узвышшы гары знаходзіцца драўляная Свята – Ільінская царква.

Першапачаткова праваслаўны храм знаходзіўся не на гары, а ў саміх Радашковічах у цэнтры. Але царква ў першыя дні вайны згарэла. І было вырашана пабудаваць царкву на Ільінскай гары. Гару выраўнівалі ўручную. Са старой мяжы прывезлі сруб былой памежнай заставы. Алтар і прытвор зрабілі з лясных бярвенняў. Меркавалася, што гэта царква будзе часовая і пасля вайны будзе адбудаваны стары храм. Але атрымалася так, што царква служыць праваслаўным вернікам ужо доўгі час.

На тым месцы, дзе была старая Пакроўская  царква, зараз знаходзіцца клуб.

Пасля развала Савецкага Саюза быў праведзены рамонт у Ільінскай царкве  і была пастаўлена агароджа. У 2008 годзе адрэстаўраваны іканастас і цэркоўная ўтварь. Былі набыты царкоўныя харугві і іншыя рэчы, якія неабходныя для набажэнства.

 Аб'ёмна – прасторавая кампазіцыя храма  складаецца з трох частак: прытвор, малітоўная зала і апсіда. Над прытворам надбудавана вежа – званіца. Асноўны аб'ём накрыты двухсхільным дахам.