Реклама. ООО «Бронирование гостиниц». ИНН 7703389880
Вязынка. Музей першага Народнага паэта Янкі Купалы
Музей
Беларусь, Мінская вобл., Маладзечанскі р., Вязынка.
Апісанне
Недалёка ад Радашковіч у Маладзечанскім раёне ў фальварку Вязынка ёсць літаратурны музей, які прысвечаны першаму Народнаму паэту Беларусі Янке Купале. Менавіта ў гэтай мясціне ў 1882 годзе нарадзіўся паэт. Тут прайшлі яго дзіцячыя гады. Адразу пасля вайны ў 1945 годзе тут быў створаны музей - запаведнік, які зараз складае плошчу 21 гектар. Адноўлена хата, дзе нарадзіўся Я. Купала і гаспадарчыя будынкі. Штогод у Вязынцы адбываюцца літаратурныя святы на Купалле.
Катэгорыі
Літаратурны
Помнік архітэктуры
Гістарычнае
Застаняцеся на ноч?
Гатэлі, кватэры і дамы для паездкі па Беларусі. Выберыце сэрвіс і паглядзіце даступныя варыянты.

Реклама. АО "СУТОЧНО". ИНН 7300037501
Реклама. ООО «Яндекс Вертикали». ИНН 7736207543
Браніраванне на сайце сэрвісу. Мы можам атрымаць камісію.
Пра сэрвісыКаментары
Нататкі да месца
1Алег Дзьячкоу
10.12.2024
Вязынка. Музей першага Народнага паэта Янкі Купалы
Па шляху з Мінска на Маладзечна, каля Радашковіч, ёсць указальнік да філіяла Дзяржаўнага літаратурнага музея Янкі Купалы ў Вязынцы. Менавіта тут летам 1882 года нарадзіўся першы Народны Паэт Беларусі Янка Купала.
Гэта пешы музей на тэрыторыі Беларусі, прысвечаны Я. Купалу, які пачаў працаваць яшчэ ў жніўні 1945 года. Першым дырэктрам была жонка паэта Уладзіслава Луцэвіч. Учэрвені 1946 года была ўсталявана памятная шыльда на доме, дзе нарадзіўся паэт. А сам музей прыняў першых гасцей ужо ў чэрвені 1948 года. У склад музея уваходзіць некалькі будынкаў: хата, свіран, хата дваровых. Плошча музейнай экспазіцыі складае 185 метраў квадратных. Ухаце створаны мемарыяльны пакой у якім нарадзіўся Купала. У пакоі ёсць печ, калыска, мэбля, посуд, дзіцячыя хадункі. Ёсць у экспазіцыі таксама асабістыя рэчы бацькоў паэта. А ў другой палове хаты створаны гісторыка – літаратурная экспазіцыя, дзе вы даведаецеся пра дзяцінства і юнацтва будучага паэта. Некалькі год таму тут у пакоі ўсталявалі незвычайны куфар, з якога гучаць песні Янкі Купалы. Калі будзеце ў музеі, то папрасіце, каб вам абавязкова адчынілі гэты чароўны куфар. У экспазіцыі ёсць радавод Луцэвічаў з 17 стагоддзя, падабраны шматлікія фатаздымкі родных Купалы.
У 1972 годзе быў створаны Купалаўскі мемарыяльны запаведнік, які па плошчы складае 21 гектар. Пры стварэнні запаведніка былі захаваны планіроўка і ландшафт былога фальварка. За хатай знаходзіцца сажалка, праз якую перакінуты мост. Пры наведванні музея варта прайсці сцежкамі паэта вакол сажалкі, паглядзець на векавыя дубы. З права ад хаты, на беразе возера, створана вялікая паляна на якой ладзяцца літаратурныя штогадовыя святы.
Пры ўваходзе на тэрыторыю запаведніка ўсталяваны помнік Народнаму паэту, які выканаў адзін з самых вядомых беларускіх скульптараў Заір Азгур.
