Мінск. Мемарыял «Востраў слёз»

Помнік ствараўся некалькі год на народныя ахвяраванні і дзяржаўныя сродкі.

Комплекс пабудаваны на востраве агульная плошча якога 0, 61 гектара. Будаўніцта пачалося яшчэ у 1988 годзе напрыканцы Афганскай вайны. Архітэктурнай дамінантай з'яўляецца капліца прататыпам якой узята царква Еўфрасінні Полацкай 12 стагоддзя. У інтэр'еры храма чатыры алтары з высечынымі імёнамі  771 воіна з Беларусі, якія загінулі ў Афганістане. Купал і сцены храма распісаны на біблескія матывы. Таксама ёсць выявы архангелаў Міхаіла і Гаўрыілы, якія яшчэ з часоў Грунвальдскай бітвы лічыліся апекунамі беларускіх воінаў. Ад Траецкага прадмесця ідзе невялікі перакідны мост і адразу перад капліцай знаходзіцца валун з абразом Божай Маці. Валун гэты быў закладзены яшчэ ў 1988 годзе  на самым пачатку будаўніцтва мемарыяла. З левага боку ад капліцы знаходзіцца скульптура маленькага анёла, які плача, а побач камяні на кожным з каторых напісаны назвы правінцый у Афганістане, дзе адбываліся баі з савецкімі войскамі.

Сама капліца была пабудавана ў 1995 – 1996 гадах. Аўтарамі помніка з'яўляюцца скульптары Ю.Паўлаў, Г. Паўлава, А. Паўлаў, мастакі Т. Каралёва - Паўлава, М. Каралёў, інжынер В. Лапцэвіч, архітэктар Д. Хамякоў.