Сідзельнікі. Царква Параскевы Пятніцы

На ўскрайку мястэчка Сідзельнікі недалёка ад возера, знаходзіцца мураваная праваслаўная царква ў гонар Святой Параскевы Пятніцы.

Да яе пабудовы на гэтым месцы быў драўляны праваслаўны храм. Кім і калі драўляная царква была пабудавана – невядома. Але храм быў старажытны. У сярэдзіне 19 стагоддзя пры царкве святаром служыў выпускнік Віленскай Духоўнай семінарыі Міхаіл Крачэтовіч.  На 1861 год да царквы прыход складаў у Сідзельніках 816 мужчын і 842 жанчыны. Да царквы адносіліся 2 старыя драўляныя капліцы ў бліжэйшых вёсках.

У 1872 годзе, а па іншым крыніцам у 1865 – м, на старых падмурках быў пабудаваны новы мураваны праваслаўны храм. У 1950 – х гадах у часы СССР царкву зачынілі і прыстасавалі пад складское памяшканне. У 1991 годзе храм вярнулі вернікам і пачаліся рамонтныя працы па аднаўленню святыні. У снежні 1995 года царкву асвяцілі. Асвячэнне праводзіў сам мітрапаліт Філарэт Мінскі і Слуцкі Патрыяршы Экзарх усея Беларусі.

Царква пабудавана па тыпавому праекту. Будынак складаецца з чатырох асноўных частак: прытвор, трапезная, малітоўная зала і апсіда. Над прытворам пабудавана вежа – званіца. У малітоўнай залі па бакам па 3 акна з какошнікамі на версе. Царква абнесена мураванай агароджай.