Бяроза. Царква Пятра и Паўла.

Паміж Баранавічамі і Брэстам ёсць невялікі гарадок Бяроза, які мае некалькі храмаў. Адзін з якіх – гэта праваслаўная царква Святых апосталаў Пятра і Паўла.

Храм першапачаткова быў пабудаваны ў часы Вялікага Княства Літоўскага ў стылі барока ў 1772 годзе і належыў уніяцкім вернікам. Пасля забароны ўніі ў часы Расійскай імперыі ў 19 стагоддзі будынак перадалі праваслаўным вернікам.

У 1867 годзе царкву перабудавалі ў псеўда – рускім стылі і будынак складаўся з чатырох асноўных частак: прытвор, трапезная, малітоўная зала і апсіда. У інтэр'еры быў драўляны разны іканастас. Меліся каштоўныя абразы 18 – 19 стагоддзяў і  некаторыя з іх патрапілі ў Мінск у Музей старажытнабеларускай культуры. Сярод абразоў былі «Прачыстая Багародзіца», «Маці Божая з дзіцём Хрыстом і Янам» і «Пакрава Маці Божай».

У 1910 годзе царква была перабудавана і значна пашырана і храм стаў двухкупальны. Хаця, па некаторым звесткам, перабудова гэта адбылася менавіта ў 19 стагоддзі.

У такім стане царква дажыла да 1995 года. К таму часу будынак прыйшоў у значны заняпад, бо ў савецкія часы не дазвалялася рабіць рамонт. І з 1996 года пачаўся рамонт і рэканструкцыя, якая завяршылася к 2003 году. На сённяшні дзень над храмам узвышаецца 13 вялікіх купалоў – цыбулін, якія сабой сімвалізуюць 12 апосталаў і Ісуса Хрыста.  Вышыня званіцы складае 37 метраў. У 2000 годзе мітрапаліт Мінскі і Слуцкі , Патрыяршы Экзарх усея Беларусі асвяціў новы храм. Побач пабудаваны двухпавярховы будынак васкрэснай школы.