Сялец. Успенская царква

У мястэчку Сялец Бярозаўскага раёна ёсць мураваная праваслаўная царква Успення Прасвятой Багародзіцы. Першы ўспамін у гістарычных крыніцах пра Сялец адносіцца да 1397 года.

 У 15 стагоддзі пабудаваны каталіцкі касцёл. У часы Вялікага Княства Літоўскага ў 16 – 18 стагоддзях уваходзіў у склад Брэсцкага павета Брэсцкага ваяводства. Пасля трэцяга падзелу Рэчы Паспалітай у 1795 годзе мястэчка ўвайшло ў склад Расійскай імперыі.

Пасля анцірасійскага паўстання пад кіраўніцтвам К. Каліноўскага ў 1863 – 1864 гадоў касцёл зачынілі, а будынак перадалі праваслаўным вернікам. Праз нейкі час драўляны будынак разабралі і на яго месцы ўзвялі новую мураваную праваслаўную царкву.

 Новы праваслаўны храм пабудавалі ў 1870 годзе ў рэтраспектыўна – рускім стылі. Будынак мае выцягнутую падоўжаную кампазіцыю і складаецца з чатырох асноўных частак: прытвор, трапезная, малітоўная зала і апсіда. Над прытворам надбудавана трохярусная вежа – званіца.

У царкве ёсць старажытныя абразы 18 – 19 стагоддзяў: «Ісус Хрыстос», «Пакроў», «Святыя Пётр і Павел», «Мікалай Цудатворац», «Успенне», «Маці Божая Замілаванне», «Увядзенне у храм Багародзіцы» і іншыя