Макараўцы. Касцёл Узвышэння Святога Крыжа.
Храм
Беларусь, Гродзенская вобл., Бераставіцкі раён, дзер. Макараўцы, вуліца Яна Паўла II, 57
0
256
24.11.2024
Апісанне
У 18 стагоддзі ў вёсцы Макараўцы, што на Гродзеншчыне, быў пабудаваны Каталіцкі Касцёл. Храм узведзены ў стылі драўлянага народнага дойлідства. Знаходзіцца на ўзгорку, і з яго на многія кіламетры распасціраецца пейзаж Свіслацкай нізіны.
Інтэр'ер упрыгожваюць тры барокальныя драўляныя разьбяныя алтары, якія аздоблены фігурамі святых. Адносна нядаўна касцёл быў адрамантаваны звонку і ўнутры, а таксама званіца і "брама". Таксама быў адрамантаваны і старажытны орган. Касцёл дзейнічае.
Катэгорыі
Гістарычнае
Помнік архітэктуры
Месцазнаходжанне
Шырата: 53.32713413
Даўгата: 23.82002906
Каментары
Усяго каментароў: 0
Нататкі да месца
1Алег Дзьячкоу
24.11.2024
Макараўцы. Касцёл Узвышэння Святога Крыжа
У мястэчку Макараўцы ёсць драўляны каталіцкі касцёл. Храм быў пабудаваны на могілках у цэнтры мястэчка недалёка ад былой сядзібы Хрусцінскага.
Калі мясцовая сядзіба належыла Вашчынскім у 1767 годзе была пабудавана драўляная капліца. Каталіцкая парафія ўзнікла ў 1795 годзе. У 1793 годзе біскуп віленскі Ігнацій Масальскі даў дазвол на пабудову касцёла. Каталіцкі касцёл быў асвечаны летам 1795 года ксянзом Юзафам Свяржынскім. Каля касцёла была пабудавана мураваная званіца і плябанія. У савецкія часы пасля вайны ксёнз Алаізій Тамковіч быў арыштаваны. Плябанію забралі і там зрабілі жылыя пакоі для школьных настаўнікаў і адчынілі ашчадную касу. Але касцёл працаваў увесь час.
Касцёл быў адрэстаўраваны за грошы вернікаў пасля развала Савецкага Саюза ў 1991 годзе. Некалькі год таму быў адрамантаваны арган.
Будынак узведзены ў традыцыях народнага дойлідства і складаецца з двух рознавялікіх зрубаў – асноўны аб'ём і апсіда. Касцёл ашаляваны.
У інтэр'еры маецца 3 алтара, якія выкананы ў стылі барока. Па баках аднаго з алтароў стукавыя паліхромныя скульптуры Святых Пятра і Паўла.
Каментары
Усяго каментароў: 0