Мсціслаўль. Помнік Пятру Мсціслаўцу на плошчы

Значнае месца ў гісторыі горада Мсціслава і беларускага народа адведзена асветніку і першадрукару Пятру Мсціслаўцу, які жыў у 16 стагоддзі.

П. Мсціславец нарадзіўся ў Мсціславе. У сталым узросце апынуўся ў Маскве, дзе разам са сваім паплечнікам Іванам Фёдаравым, які таксама родам з Беларусі, выдаў першую друкаваную кнігу ў царстве Маскоўскім «Апостал» у 1564 годзе. 

Першы помнік П. Мсціслаўцу быў усталяваны ў горадзе Мсціславе ў 1986 годзе. А новы помнік было прымеркавана адкрыць на рэспубліканскім свяце Дзень беларускага пісьменства. Штогод свята праходзіць у першую нядзелю верасня ў розных гарадах Беларусі. У 2001 годзе свята адзначалася ў Мсціславе, і былі праведзены вялікія асветніцкія мерапрыемствы. І ў тым ліку адкрыты новы помнік земляку П.Мсціслаўцу.

Помнік усталявалі ў самым цэнтры каля раённага выканаўчага камітэта. І плошчу перад райвыканкамам таксама назвалі ў гонар П.Мсціслаўца.

Помнік трохметровы з бронзы. Над помнікам працавалі архітэктар Юрый казакоў і скульптары Аляксандр Чыгрын і Аляксандр Батвінёнак. У дадзеным помніку П. Мсціславец намаляваны ўжо ў сталым узросце з разгорнутай кнігай у руцэ.