Мілавіды. Мемарыяльны комплекс.

Па трасе Р–43 паміж вёскамі Каўпакі і Мілавіды Баранавіцкага раёна знаходзіцца мемарыял, які прысвечаны падзеям 19-га стагоддзя.

У 1863 – 1864 гадах на тэрыторыі Беларусі, Літвы і Польшчы адбывалася паўстанне супраць Расійскай імперыі. І тут каля Мілавідаў адбылася адна з бітваў паўстанцаў з царскімі войскамі. У гонар гэтай падзеі ў часы Польскай дзяржавы тут быў створаны мемарыял. А гэты рэгіён і мястэчка у тыя часы былі пад уладай Польскай дзяржавы пасля Рыжскага міру 1921 года да 1939 года.

У маі 1931 года прайшло ўрачыстае адкрыццё мемарыяла. У адкрыцці прымаў удзел ветэран тых падзей, удзельнік паўстання паручнік Кулікоўскі, які прымаў удзел у бітве пад Мілавідамі ў 1863 годзе. Спачатку прайшла каталіцкая служба, адбылося асвячэнне помніка, а потым урачыстым маршам прайшлі калоны грамадскіх арганізацый, пажарнікаў і вайсковых частак з Баранавіч.

Мемарыял складаецца з мураванай капліцы і памятнага крыжа. Капліца мураваная, вышынёй 13 метраў. На цокалі, які ў плане ўтварае квадрат, усталяваны чатыры калоны на якіх знаходзіцца антаблемент. Завяршае помнік сферычны купал з ажурным крыжам. На магіле палеглых расійскіх салдат усталяваны памятны крыж.