Ворша. Чыгуначны вакзал.

Горад Ворша з часу свайго заснавання знаходзіцца на перакрыжаванні гандлёвых і транспартных шляхоў. І калі ў сярэднявеччы галоўную транспартную функцыю выконвалі рэкі, то ў навейшы час – гэта аўтамабільныя і чыгуначныя шляхі. Першую чыгуначную лінію ў Воршы адкрылі ў лістападзе 1871 года, калі прайшла ветка Смаленск - Мінск.

А ўжо ў 1902 годзе пабудавана яшчэ адна стратэгічная магістраль Віцебск – Жлобін. Будуецца цэлы чыгуначны вузел у Воршы з чыгуначным вакзалам. Першы будынак вакзала быў драўляны. А ў 1912 годзе на месцы старога вакзала будуецца двухпавярховы вакзал па праекту архіітэктара І. Струкава. У 1930 – х гадах вакзал быў значна пашыраны. Моцна пацярпеў будынак у час вайны, але адноўлены і мадэрнізаваны ў пасляваенны час. Інтэр'еры упрыгожваюць тры рэпрадукцыі вядомых рускіх мастакоў. К 2004 году праведзена рэканструкцыя будынка, якая пераважна праходзіла ва ўнутраных памяшканнях. З 2007 года будынак мае статус гісторыка – культурнай каштоўнасці. Каля вакзала знаходзіцца магіла героя – партызана Канстанціна Заслонава. Таксама усталяваны старадаўні цягнік П 36 да якога можна падыйсці і сфатаграфаваца.