Ляхаўцы. Царква Нараджэння Маці Божай

Сяргей і Паша, дзень добры. Тут фота па царкве ўзяў з Вікі і там фота 1 падпісана ўнізе з права. Подпіс абрэжце калі ласка! Дзякуй))).

Мястэчка Ляхаўцы знаходзіцца паміж раёным цэнтрам Маларыта і мяжой з Украінай да якой усяго некалькі кіламетраў. Сярод мястэчка пабудавана старажытная драўляная царква Нараджэння Маці Божай.

 Годам пабудовы храма лічыцца эпоха Вялікага Княства Літоўскага 1713 год і ў тыя часы яна належыла ўніяцкім вернікам. Пасля забароны ўніі ў Расійскай імперыі ў 19 стагоддзі храм перайшоў да праваслаўнай царквы. У 1858 годзе праведзены рамонт будынка і была пабудавана драўляная званіца. Царква працавала і ў часы Польскай дзяржавы, а была зачынена пасля вайны ў савецкія часы ў 1964 годзе. У апошнія гады існавання СССР у 1988 годзе будынак перадалі вернікам, дзе быў праведзены рамонт.  

Царква з'яўляецца помнікам архітэктуры рэспубліканскага значэння, які пабудаваны ў традыцыях народнага драўлянага дойлідства з рысамі эпохі барока. Будынак узведзены з трох зрубаў  па падоўжана – восевай кампазіцыі і складаецца з чатырох асноўных частак: прытвор, трапезная, малітоўная зала і апсіда з бакавой сакрысціяй. Да асноўнага аб'ёму прыбудаваны невялікі прытвор пад двухсхільным дахам і трохвугольным франтонам. Падобна на тое, што прытвор прыбудаваны пазней, калі царква перайшла да праваслаўных. Над асноўным аб'ёмам двухскатны дах і барочны двухярусны купал.

 Інтэр'ер мае зальную канструкцыю. Ёсць хоры і іканастас, які створана ў пачатку 19 стагоддзя. Маюцца старажытныя абразы 16 – 18 стагоддзяў сярод якіх «Маці Божая Адзігітрыя» і «Святы Мікола Цудатворац». Перад царквой у 19 стагоддзі была пабудавана драўляная двухярусная вежа – званіца