Лоск. Руіны касцёла Найсвяцейшага Сэрца Езуса.

У самым цэнтры мястэчка Лоск паміж Замкавай гарой і праваслаўнай царквой Святога Георгія знаходзіцца касцёл Найсвяцейшага Сэрца Ісуса.

Першы касцёл у Лоску ўпамінаецца ў пісьмовых крыніцах яшчэ у часы Вялікага княства Літоўскага. У 1493 годзе гаспадыня маёнтка і мястэчка ў Лоску княжна Ганна Карыбутаўна фундавала каталіцкі касцёл Божага Цела і Святых Пятра і Ганны. У 16 стагоддзі мястэчкам валодалі магнаты Кішкі, якія былі прыхільнікамі пратэстантызму. Згодна дакументаў, у 1559 годзе парафія каталіцкая і касцёл валодалі ў Лоску 15 дымамі падданых сялян.       

У 1921 годзе пасля Рыжскай дамовы гэты край апынуўся ў Польскай дзяржаве.

За польскім часам у 1930 годзе тут пабудавалі новы каталіцкі храм, які асвяцілі у гонар Найсвяцейшага Сэрца Ісуса. Храм узведзены каля цэнтральнай вуліцы ў цэнтры мястэчка на пагорку.

Будынак узведзены ў традыцыях беларускага нацыянальнага драўлянага дойлідства з драўляных брусоў. У плане прамавугольны ў плане зруб. Будынак накрыты двусхільным дахам, а над пяціграннай апсідай знаходзіцца вальмавы дах. Галоўны фасад раней меў 2 вежы двухярусных чацвераковых, паміж якімі знаходзіцца трохвугольны франтон. Будынак неашаляваны. У інтэр'еры маюцца хоры, на якія вядзе лесвіца.

Да нашага часу захавалася некалькі малюнкаў першапачатковага выгляду фасада касцёла.