Крэва. Касцёл Праабражэння Гасподняга.

Касцёл у Крэве быў заснаваны ў 13 стагоддзі і неаднаразова руйнаваўся, пасля чаго Аднаўляўся нанова.

Яго аднаўленне ў 1626 годзе ажыццявілі Гаштольды. У 1704 годзе Закрэўскі заснаваў два алтары і ахвяраваў фальваркі Закрэўшчына і Таншчыжна для Касцёла.

У 1868 годзе будынак пераўтварылі ў праваслаўны храм. Барочны касцёл канчаткова разбурыўся падчас Першай сусветнай вайны, калі праз Крэва праходзіў фронт.

З 1934 па 1936 год на сродкі, сабраныя ўсім светам, быў узведзены драўляны касцёл па праекце архітэктараў Пятра Стаброўскага і Норбскага пад кіраўніцтвам святара Ч.Кардэля. У гэтым будынку прасочваліся рысы рэнесансу, барока і мадэрна са складанай сіметрычнай кампазіцыяй. Аднак, у 1961 годзе касцёл зачынілі і пераабсталявалі пад бальніцу. Пры гэтым былі страчаны многія элементы храмавай архітэктуры, захавалася толькі крыжападобная планіроўка, жывапісныя вежкі былі прыбраны, быў дабудаваны другі паверх. З-за гэтага помнік архітэктуры стаў звычайным будынкам, у 2003 годзе будынак наогул знеслі.

 У 1997 годзе на гэтым месцы быў пабудаваны новы каменны храм Праабражэння Гасподняга ў стылі неабарока, які нагадвае пра ранейшы касцёл. Сёння ён дзівіць турыстаў сваёй пышнасцю. За ім захаваліся драўляныя пабудовы плябаннага комплексу.

На сённяшні дзень касцёл актыўна выкарыстоўваецца і яго дзверы адчыненыя для ўсіх жадаючых. Ён таксама прыцягвае ўвагу турыстаў, якія цікавяцца гісторыяй гэтай мясцовасці і архітэктурай.

Касцёл Праабражэння Гасподняга ў Крэве - важны цэнтр каталіцкай веры ў рэгіёне. Хоць ён і сучаснай пабудовы, але знаходзіцца ў прыгожай і ціхай гістарычнай мясцовасці, дзе калісьці быў пабудаваны адзін з першых у Літоўскім Княстве касцёлаў...