Горы. Замкавая гара.

У выніку археалагічных раскопак, праведзеных гісторыкам Міхасам Ткачовым, устаноўлена, што першае паселішча ў горадзе Горы ўзнікла яшчэ ў 12 стагоддзі. Упершыню Горы згадваюцца ў пісьмовых крыніцах у 1500 годзе. Тут жылі мясцовыя князі Горскія і пабудавалі свой прыватны замак. Тады ўладальнікамі былі Юрэвічы і Храптовічы, Гарнастаі і Сапегі. У канцы 16 стагоддзі, калі ўладальнікам стаў канцлер Леў Сапега, быў пабудаваны новы замак з бастыённымі ўмацаваннямі. Побач з замкам працякаў ручай Карчаватка, над якім на вышыню 20 метраў узвышаліся валы замка. Па перыметры замка было пабудавана 7 бастыёнаў, а з боку горада ля ўвахода ў замак знаходзілася двух'ярусная драўляная брама. Згодна з дакументам 1627 года, у замку знаходзілася наступнае ўзбраенне: «...29 жалезных штурмавікоў, 25 кручкавых стрэльбаў, 3 кручкавыя стрэльбы на калках, 67 стрэльбаў, дзве медныя гарматы». Замак моцна пацярпеў падчас вайны Маскоўскага царства з Рэччу Паспалітай у сярэдзіне 17 стагоддзі. А апошні раз умацаванні выкарыстоўваліся падчас падзей Паўночнай вайны 1708 года. Тут знаходзіўся шведскі кароль Карл XII са сваім войскам. З таго часу замак пазбавіўся абарончых умацаванняў і больш не выкарыстоўваўся як крэпасць. Да нашых дзён захаваліся земляныя абарончыя валы па перыметры былога замка. А ля падножжа ўмацаванняў было створана вадасховішча, над якім пабудаваны пешаходны мост. І сёння гэта адно з найлепшых месцаў для адпачынку і рыбалкі ў Магілёўскай вобласці.