Горкі. Помнік Маршалу І. Якубоўскаму.

Горад Горкі ў Магілёўскай вобласці мае досыць шмат сваіх выбітных землякоў і адным з такіх па праву лічыца маршал Савецкага Саюза - Іван Ігнацьевіч Якубоўскі. У гонар праслаўленага палкаводца  ў цэнтры Горак названа адна з асноўных вуліц і названа плошча. На плошчы ўсталяваны помнік вядомаму дзеячу.

І.І. Якубоўскі (1912 – 1976) – Маршал Савецкага Саюза, двойчы Герой Савецкага Саюза. Нарадзіўся ў вёсцы Зайцава Горацкага раёна ў сялянскай сям'і. Скончыў вясковую школу, а затым працаваў на заводзе ў Горках. Вучыўся ў Оршы ў педагагічным тэхнікуме. Уваходзіў у склад камуністычнай партыі. З 1932 года ў радах Чырвонай Арміі. Навучаўся ў ваеннай школе імя М.Калініна ў Мінску. Скончыў у Ленінградзе бранетанкавыя курсы. Служыў у Беларускім ваеным округу. Прымаў удзел у Польскім паходзе ў 1939 годзе і ў савецка – фінскай вайне. Ваяваў у перыяд Вялікай Айчыннай вайны. Быў некалькі разоў паранены.

Пасля вайны скончыў Ваенную акадэмію Генеральнага штаба. З 1960 года быў прызначаны Галоўнакамандуючым Групы савецкіх войскаў у Германіі. З 1967 года – першы намеснік Міністра абароны СССР і адначасова Галоўнакамандуючы аб'яднанымі ўзброенымі сіламі дзяржаў Варшаўскага дагавора.

Абіраўся дэпутатам Вярхоўнага Савета СССР. Памёр у лістападзе 1976 года і пахаваны ў Маскве каля Крамлёўскай сцяны.