Гарадок. Замкавая гара.

Мястэчка Гарадок мае даўнюю і багатую гісторыю. У гэтым невялікім мястэчку захавалася досыць шмат помнікаў архітэктуры і даўніны: мураваная праваслаўная Траецкая царква, мураваны вадзяны млын, будынак сінагогі, грамадзянская дарэвалюцыйная забудова. Быў яшчэ драўляны касцёл Яна Хрысціцеля, які загінуў у час вайны.

У цэнтры мястэчка ёсць замкавая гара, або гарадзішча. Мясцовыя жыхары называюць гэта месца проста – Замак.

Замчышча мае статус помніка археалогіі рэспубліканскага значэння. Размешчана ў паўночнай часцы мястэчка. Уяўляе з сябе авальны ў плане ўмацаваны дзядзінец 60 на 40 метраў, які акружаны з поўдня вадзяным рвом шырынёй 20 – 30 метраў.  А з поўначы акружае магутны земляны вал, вышыня якога дасягае дзесяці метраў. У замку была абарончая вежа, якая знаходзілася з усходняга боку ад якой засталося круглая пляцоўка дыяметар якой семь метраў. Вежа была пры ўездзе ў замак. Праз роў каля вежы быў перакінуты драўляны мост. На ўмацаваным дзядзінцы былі пабудаваны драўляныя і мураваныя пабудовы. У час правядзення археалагічных раскопак была знойдзена кераміка 14 – 18 стагоддзяў. Сярод знаходак ёсць паліваная пячная  кафля з раслінным арнаментам м выявай арла. Матэрыялы знаходак знаходзяцца ў Маладзечна ў краязнаўчым музеі. Замчышча даследвалі вядомыя беларускія археолагі Міхась Ткачоў і Яраслаў Звяруга.