Дубрава. Касцёл Унебаўзяцця Найсвяцейшай Панны Марыі.

Мястэчка Дубрава знаходзіцца ў некалькіх кіламетрах ад літаратурнага музея Вязынка пад Радашковічамі. Упершыню ўпамінаееца ў пісьмовых крыніцах у 15 стагоддзі. Належыла розным уладальнікам і ў тым ліку Глябовічам, Кішкам і Радзівілам. Першы касцёл быў фундаваны ў 15 стагоддзі Глябовічамі. Наступны касцёл пабудавалі на сродкі Мікалая Радзівіла Сіроткі. У 17 стагоддзі пасля вайны пашкоджаную святыню аднавіў Глябовіч. У 18 стагоддзі Матэвуш Марцінкевіч будаваў новы будынак і ў той час касцёл быў двухвежавы з 7 алтарамі. Будынак згарэў напрыканцы 18 стагоддзя.

Новы мураваны касцёл быў пабудаваны ў 1796 – 1805 гадах па фундацыі мінскага ваяводы Адама Хмары. У 19 стагоддзі касцёл перайшоў да праваслаўных вернікаў і перабудаваны быў пад царкву. За польскім часам у 1919 годзе вернуты будынак каталікам. У 1926 – 1929 гадах адбылася рэканструкцыя і храм набыў выгляд касцёла.

Касцёл узведзены ў стылі класіцызму. У плане будынак мае прамавугольную форму. Накрыты двухсхільным дахам. На галоўным фасадзе было раней 2 вежы. Інтэр'ер падзелены на тры нефы. Да асноўнага аб'ёму прыбудавана апсіда з бакавымі рызніцамі. У сутарэннях касцёла была крыпта з пахаваннямі фундатараў Хмараў. Мае статус помніка. Неабходна рэстаўрацыя.