Клецк. Гарадзішча.

   На ўскраіне старажытнага горада Клецк знаходзіцца Замкавая гара, або па іншаму яе яшчэ называюць – Гарадзішча. Замчышча размяшчаецца паміж сучасным горадам і возерам Клецкае, на беразе ракі Лань. Даследчыкі датуюць помнік эпохай Кіеўскай Русі 11-13 стагоддзямі.

    Гарадзішча складаецца з дзяцінца - умацаванага горада, і вакольнага горада, які будаваўся Каля абарончых збудаванняў. Паміж гарадзішчам і вакольным горадам абарончы роў шырынёй 30 метраў і глыбінёй каля сямі метраў.

     На прыродным ўзвышшы знаходзіцца Дзяцінец, які аддзяляе ад ракі глыбокі роў. Дзяцінец у дыяметры 80 метраў і мае форму круга. Узвышаецца над поймай ракі Лань на дзесяць метраў. Па краі дзяцінца быў абарончы земляны вал вышэй метра. Вакольны горад мае памеры 100 на 400 метраў у форме эліпсоіда. Быў умацаваны абарончым земляным валам каля аднаго метра.

       Археалагічныя даследаванні праводзіліся пасля Вялікай Айчыннай вайны. Праводзіў раскопкі вядомы беларускі археолаг Пётр Фёдаравіч Лысенка (1931 – 2020) - доктар гістарычных навук, прафесар, лаўрэат Дзяржаўнай прэміі Рэспублікі Беларусь.

       Былі знойдзеныя прадметы ўзбраення, шкляныя бранзалеты, прылады працы і побыту.