Гарадок. Царква Святой Троіцы

Мястэчка Гарадок у Маладзечанским раёне мае даўнюю гісторыю. Тут захавалася замкавая гара, мураваны вадзяны млын, сінагога і дарэвалюцыйная забудова. Архітэктурнай дамінантай мястэчка з'яўляецца праваслаўная царква Святой Троіцы.

Першая  драўляная царква ў Гарадку была пабудавана ў 1766 годзе. У 1812 годзе ў мястэчку адбыўся вялікі пажар, але храм уцалеў. Але ў маі 1865 года здарыўся зноў вялізны пажар, які знішчыў шмат пабудоў і ў полымі загінула старажытная царква.

На месцы даўняга храма ўзводзіцца новы, але ўжо мураваны будынак у 1874 годзе. Прыхаджане сабралі сродкі і правялі рамонт царквы ў 1911 годзе. Інтэр'ер быў упрыгожаны роспісамі.

Будынак узведзены ў псеўда – рускім стылі па тыпавому праекту. Складаецца з чатырох асноўных частак: прытвор, трапезная, малітоўная зала і апсіда. Над прытворам знаходзіцца вежа – званіца васьмярык на чацвярыку. Малітоўная зала ўяўляе з сябе кубападобны аб'ём да якога прыбудавана паўкруглая апсіда. Царква пакрыта чатырохсхільным дахам, на версе якога барабан з цыбулінай. Уваходны партал і аконныя праёмы ўпрыгожаны кілепадобнымі завяршэннямі.

Царква адрэстаўравана і працуе з 1995 года. У Траецкай царкве пастаянна знаходзяцца часціцы машчэй Святых Іерусалімскіх Пакутнікаў, якія захоўваюцца на прастоле ў алтары.