Цвіраўшчына. Праваслаўная капліца

У Валожынскім раёне ў вёсцы Цвіраўшчына ёсць мураваная праваслаўная капліца. У гэтую малую вёску прасцей праехаць праз мястэчка Славенск.

Даследчыкі мяркуюць, што назва мястэчка Цвіраўшчына паходзіць ад балцкага слова «цвёрды». На ўскраіне вёскі на заходнім накірунку знаходзіцца праваслаўная капліца на старых могілках.

Храм мураваны і узведзены з цэглы і бутавага камяня ў канцы 19 – пачатку 20 стагоддзя. Архітэктурны стыль псеўда – рускі, які ў тыя часы быў вельмі папулярны на тэрыторыі Расійскай імперыі. Будынак ў плане квадратны і вельмі кампактны. Мае вежападобны аб'ём, які накрыты двухсхільным дахам. На даху знаходзіцца васьмігранны барабан з цыбулінай. Дэкор фасадаў заснаваны на кантрасце неатынкаванай часткі з бутавага камяня і ружовага колеру цэглы. Уваход мае паўцыркулярнае завяршэнне, як і окна ў бакавых сценах. Інтэр'ер зальны.

 Капліца была разрабавана ў савецкія часы. У інтэр'еры захаваліся каваныя металічныя крыжы і памятная шыльда на царкоўнаславянскай мове, прысвечаная  Іларыёну Букштановічу, які памёр у сакавіку 1886 года.

Капліца знаходзіцца ў занядбаным стане. Патрабуецца рэстаўрацыя