Віцебск. Касцёл Святой Барбары.

 На старажытным тракце Віцебск – Гарадок ужо ў 1785 годзе быў пабудаваны першы мураваны касцёл на каталіцкіх могілках. Затым побач узведзена мураваная капліца і драўляны дом для ксянза -  плябань. А ўжо ў 1884 годзе каталіцкую святыню значна перабудавалі паводле праекта інжынера В. Піятроўскага. І касцёл набыў сучасны выгляд: трохнефная базіліка з двумя шматяруснымі вежамі. Тэрыторыя касцёла і могілак была абнесена мураванай агароджай з трохпралётнай брамай. Фасад і вежы касцёла ўпрыгожаны дэкорам з чырвонай цэглы: карнізы з зубчастым поясам, калонкі, нішы, аркатурны пояс, пілястры і іншае. На галоўным фасадзе знаходзіцца арачны партал з трохвугольным франтонам, над якім тры арачныя нішы. Двухярусныя вежы завяршаюцца высокімі шатрамі. На вежах першы ярус чатырохгранны , які прарэзаны трохарачнымі праёмамі, а другі ярус - шасцігранны. Інтэр’ер касцёла падзелены на тры нефа. А нефы перакрыты цыліндрычнымі скляпеннямі. У час вайны касцёл і агароджа частковы былі зруйнаваныя. Але ў пачатку 1990-х гадоў касцёл адрэстаўраваны, быў усталяваны арган і зараз каталіцкая святыня дзйнічае.