Віцебск. Палац губернатара.

Палац губернатара ў Віцебску пабудаваны яшчэ да 1772 года на высокім беразе Заходняй Дзвіны і належыў шляхцічу Кудзіновічу. А ў 1806 годзе будынак выкуплены і перабудаваны пад палац генерал-губернатара. Яшчэ да асабняка прыбудавалі ў 1811 годзе двухпавярховы службовы корпус з царквой і параднай залай.  У выніку склаўся ўнутраны двор з гаспадарчых будынкаў і палаца, а галоўны фасад выходзіў на невялікую плошчу.  З гэтым будынкам звязана гісторыя з шматлікімі выбітнымі дзеячамі, якія тут працавалі, або бывалі праезам. З 1811 па 1821 гады у палацы жыў ваенны губернатар герцаг Аляксандр Вюртэмбергскі, які быў родным братам расійскай імператрыцы Марыі Фёдараўны, жонкі імператара Паўла І. У час вайны з Напалеонам імператар Францыі ў ліпені 1812 года спыніўся і жыў пэўны час у палацы. А ў 1850-х гадах віцэ-губернатарам у Віцебску служыў вядомы рускі пісьменнік Іван Лажэчнікаў, аўтар вядомага твора “Ледяной дом”. Да нядаўняга часу ў гэтым будынку размяшчалася абласное КДБ. І ў апошні час памяшканне перададзена пад музей, дзе ў бліжэйшыя гады плануецца стварыць экспазіцыю, прысвечаную Віцебску губернскаму.