Тупальшчына. Капліца – пахавальня Жаброўскіх

На трасе Ракаў – Івянец паміж вёскамі Кіявец і Падневічы знаходзіцца мястэчка Тупальшчына. З правага боку ад трасы на пагорку вы пабачыце старыя могілкі на якіх пабудавана мураваная капліца – пахавальня Жаброўскіх. Капліца пабудавана ў 1852 годзе і тут хавалі прадстаўнікоў гэтага шляхецкага рода маёнтак якіх знаходзіўся ў мястэчку Тупальшчына. Пасля анцірасійскага паўстання 1863 – 1864 гадоў Жаброўскія патрапілі ў няміласць і іх маёмасць была канфіскавана. Сама вёска Тупальшчына знікла ўжо ў пасляваенны час і ад маёнтка з вёскай застаўся напамін толькі гэтыя могілкі з капліцай.

Менавіта ў гэтай капліцы адпявалі класіка беларускай літаратуры Вінцэнта Дуніна – Марцінкевіча (1808 - 1884), магіла якога знаходзіцца з лева ад увахода каля храма.

 Храм узведзены ў стылі неаготыкі. Будынак вельмі кампактны і гарманічны. Пабудаваны з бутавага камяня. Складаеецца з двух асноўных частак: вежа – званіца, якая на палову свайго аб'ёму выступае з малітоўнай залы. Вежа чатырохярусная, накрыта чатырохсхільным дахам. Уваходны партал і аконныя праёмы маюць стрэльчатае завяршэнне. Малітоўная зала накрыта двухсхільным дахам. Над алтарнай часткай  надбудавана сігнатурка. У інтэр'еры маюцца хоры і двухярусны алтар.

На тэрыторыі могілак ёсць яшчэ некалькі капліц і старых пахаванняў.