Свір. Стараверская Успенская царква.

    У мястэчку Свір Мядзельскага раёна пабудавана драўляная стараверская Царква Успення Прасвятой Багародзіцы. У мястэчку ёсць шмат помнікаў архітэктуры, археалогіі і даўніны.

      Тут ёсць таксама прыгожае вялікае возера Свір, ўздоўж якога і пабудавана мястэчка. Калі будзеце ехаць па Свіры па вуліцы Савецкай ад каталіцкага касцёла Святога Мікалая, то справа ўбачыце высокі курган - гэта Гарадзішча, або Замкавая гара, дзе быў калісьці замак князёў Свірскіх. Каля Гарадзішча ўбачыце некалькі будынкаў адно і двухпавярховых каменных у стылі эклектыкі. 

   Далей будзеце ехаць па вуліцы Набярэжнай, і злева глядзець на панараму возера. Па вуліцы пабудаваныя прыватныя дамы, і вам трапіцца невялікі будынак з вежай на даху. Гэта малельны дом старавераў, ці Царква Успення Прасвятой Багародзіцы.  

    Помнік узведзены ў пачатку 20-га стагоддзя ў часы Польскай дзяржавы. Будынак узведзены ў стылі беларускага народнага драўлянага дойлідства. Царква складаецца з бабінца і малітоўнай залы. Над галоўным фасадам на васьмігранным барабане ўзведзены купал-цыбуліна.