Лушчыкі. Сядзіба Ахрэноўскіх.

     У Мядзельскім раёне ў мястэчку Лушчыкі недалёка ад возера Свір знаходзіца сядзіба Ахрэноўскіх. Сядзіба пабудавана ў пачатку 20 стагоддзя ў часы Расійскай імперыі, і мае невялікую плошчу каля чатырох гектараў.

       Дамінантай сядзібы з'яўляецца гаспадарскі мураваны дом. Будынак двухпавярховы, узведзены з цэглы ў стылі мадэрн. Некаторыя даследчыкі называюць архітэктурны стыль неарэнесанс. Контурныя лініі сцен выдзелены белым рустам і атрымліваецца прыгожае дэкаратыўнае аздабленне на фоне чырвонай цэглы. У будынку дамінуе двухярусная чацверыковая вежа.

        Бакавыя фасады будынка завершаны фігурнымі шчытамі. Ёсць балконы з мастацкай металічнай агароджай. У інтэр'еры захаваліся кафельныя печы. Да параднага партэра вядзе дзве дарогі, якія высаджаны алеямі кляновай і альховай.

         За сядзібным домам створаны парк, які захаваўся часткова. На газоне раслі ліпы, ясені, клёны і дубы. Меўся гаспадарчы двор, з якога захавалася некалькі мураваных будынкаў, і ў тым ліку стайня і арачны мост.

       Зараз у сядзібе размяшчаецца медыцынская ўстанова.