Стойлы. Музей-сядзіба "Успаміны Бацькаўшчыны".

Мікалай Васільевіч Тарасюк з'яўляўся адным з найбольш яркіх майстроў і самабытных умельцаў Брэсцкай вобласці. Практычна ўсё сваё жыццё ён правёў у вёсцы Стойлы. Вядомасць яму прынесла ўнікальная сялянская філасофія, якая дазволіла стварыць звыш 30 тысяч драўляных скульптур. Майстар казаў, што не проста стварае сваіх драўляных персанажаў, але і вядзе з імі гутаркі.

У яго працах знаходзілі адлюстраванне эпізоды з жыцця беларускіх сялян сярэдзіны XX стагоддзя, а таксама ўзнімаліся важныя сацыяльныя пытанні, якія тычацца дабра і зла, радасці і смутку.

Многія з драўляных тварэнняў майстра сёння прадстаўлены ў музейных калекцыях Беларусі і Польшчы. Выдатная экспазіцыя знаходзіцца ў музеі-сядзібе "Пружанскі палацык" у Пружанах.

Для сваіх скульптур майстар узвёў адмысловы дом у сваёй роднай вёсцы Стойлы, назваўшы яго "Успаміны Бацькаўшчыны". Сёння яго можна наведаць разам з экскурсіяй.

Работы Мікалая Васільевіча ўпершыню былі ўнесены ў Дзяржаўны спiс элементаў нематэрыяльнай гісторыка-культурнай спадчыны Рэспублікі Беларусь па Брэсцкай вобласці.

Творчасці Мікалая Васільевіча Тарасюка і яго "драўлянаму народу" прысвечаны ілюстраваны зборнік "Сялянская энцыклапедыя", выдадзены ў Мінску ў 2008 годзе.

Калекцыі майстра занялі годнае месца ў Нацыянальным музеі гісторыі і культуры Рэспублікі Беларусь.

Пра жыццё і творчасць Мікалая Васільевіча быў зняты дакументальны фільм, ганараваны Гран-пры на міжнародным фестывалі ў Францыі.

У 2002 годзе ён быў удастоены спецыяльнай прэміі Прэзідэнта Рэспублікі Беларусь «За духоўнае адраджэнне».

14 студзеня 2015 года Мікалая Тарасюка не стала. Яго сям'я прыкладае ўсе намаганні, каб захаваць творчую спадчыну майстра і яго ўнікальны «Драўляны народ».