Вяжное. Царква Святога Мікалая.

У Пружанскім раёне на шляху паміж Камянцом і Пружанамі знаходзіцца мястэчка Вяжное. На ўскраіне мястэчка на мясцовых могілках пабудавана драўляная праваслаўная царква ў гонар святога Мікалая. Храм пабудаваны яшчэ ў часы Вялікага Княства Літоўскага ў 1772 годзе. Хоць ёсць і іншая дата - 1799 год.

У 1863 годзе да царквы была прыбудавана вежа-званіца. Гэта была апошняя значная перабудова храма, і за ўсю сваю гісторыю святыня ніколі не зачынялася.

Падчас вайны з французамі ў 1812 годзе каля царквы адбываліся баі, але храм захаваўся непашкоджаным. Падчас Вялікай Айчыннай вайны адзін снарад пашкодзіў алтарную частку будынка. Пасля вайны ў савецкія часы царква працавала.

Царква пабудавана ў традыцыях народнага драўлянага дойлідства і спачатку складалася з малітоўнай залы і апсіды. У часы Расійскай імперыі быў дабудаваны бабінец з вежай–званіцай. Званіца шмат'ярусная васьмярык на чацверыку.

У інтэр'еры ёсць хоры і маецца абраз Прасвятой Багародзіцы "Смаленская" і абраз Багародзіцы 19-га стагоддзя, якая была падораная ў храм святаром за выратаванне сям'і расійскага імператара падчас крушэння цягніка. Будынак у апошнія гады адрамантаваны. Тэрыторыя каля храма добраўпарадкавана. Зроблена каменная агароджа. Недалёка ад царквы знаходзіцца жаночы манастыр, які створаны ў апошнія гады - манастыр Раства Багародзіцы.