Гродна. Аптэка-музей.

Горад Гродна слаўны сваімі помнікамі і музеямі. Адным з самых незвычайных музеяў у горадзе – гэта музей–аптэка. Мы прывыклі хадзіць у аптэкі з самага дзяцінства і нам здаецца, што нам усё вядома аб нашых леках і іх вырабе, але, калі вы наведаеце музей-аптэку ў Гродне, то вы будзеце здзіўлены тым на колькі гэта цікавы і тонкі працэс. І тым больш будзе цікава даведацца, як у нас выраблялі лекі сотні гадоў таму.

Аптэка пабудавана ў самым цэнтры Гродна каля езуіцкага касцёла Францыска Ксаверыя на былой гандлёвай плошчы. Аптэка знаходзіцца ў будынку, які ўзведзены ў 1709 годзе каталіцкім ордэнам езуітаў. Езуіты ўзводзілі касцёл, калегіум і гаспадарчыя будынкі ў цэнтры горада – атрымаўся цэлы квартал, які захаваўся да нашага часу. Аптэка працавала ў гэтым памяшканні да сярэдзіны 20 стагоддзя. Потым тут быў салон мэблі. А з 1996 года зноў тут адкрылі аптэку, калі будынак арандавала Гродзенская фармацэўтычная фірма "Біятэст".

Цяпер тут працуе і сама аптэка, і пры ёй аптэка – музей.

Аптэка складаецца з некалькіх частак:

• фитоотдел, дзе можна набыць лекі, настойкі, чайныя напоі і касметыку з лекавых раслін;
• гандлёвы аддзел, у якім у продажы маецца больш за 5 тысяч лекавых прэпаратаў;
• экспазіцыя, дзе можна ўбачыць старадаўні аптэкарскі посуд, медыцынскі інструмент, кнігі і гербарыі пісьменніцы Алаізы Ажэшкі.

 Уваход у музей платны, але зусім не дарагі.