Слаўнае. Ільінская царква.

У мястэчку слаўнае, што ў Мсціслаўскім раёне ёсць драўляная царква 19-га стагоддзя. Царква праваслаўная і названая ў гонар святога Іллі. Каб трапіць у Слаўнае, то лепш за ўсё выехаць на трасу Мсціслаў – горкі і павярнуць на мястэчка Курманава. А ўжо праз Курманава там недалёка і сама вёска. Калісьці гэта было досыць вялікае мястэчка, але цяпер амаль вымерла. І сапраўдным упрыгожваннем наваколля з'яўляецца драўляная Ільінская царква.

Упершыню пра царкву ў славутым дакументы ўспамінаюць у 17 стагоддзі. І існуе цікавая легенда, што першым заснавальнікам храма быў князь Лабуш. У інтэр'еры царквы знаходзіцца каменная пліта пад якой, лічыцца, і пахаваны князь. У самым пачатку 19 стагоддзя была пабудавана новая царква, якую па гістарычных дадзеных перавезлі з іншай вёскі. Ініцыятарамі перавозу царквы былі мясцовыя шляхцічы Іванскія.

У другой палове 19 стагоддзя пры царкве працавала парафіяльная школа. У гэтай царкве быў ахрышчаны класік беларускай літаратуры Максім Гарэцкі (1893-1938), які нарадзіўся недалёка адсюль у мястэчку Малая Багацькаўка, дзе цяпер знаходзіцца дом-музей пісьменніка. У п'есе "Антон" м. Гарэцкі апісвае набажэнства ў Ільінскай царкве.

У савецкія часы царква прыстасавалі пад збожжасховішча. А ў гады вайны храм адкрылі і ён працаваў потым і ў пасляваенны перыяд.

Будынак быў адрэстаўраваны гадоў 20 таму. Царква дзейнічае.