Радчыцк. Царква Нараджэння Божай Маці

На шляху паміж Столінам і Пінскам знаходзіцца невялікае мястэчка Радчыцк. У мястэчку на цэнтральнай вуліцы пабудавана мураваная царква Нараджэння Божай Маці. 

Радчыцк вядомы з часоў Вялікага Княства Літоўскага і ў пачатку 18 стагоддзя належыў панам Млоцкім, якія пабудавалі драўляную царкву. Храм у 1760 годзе быў знішчаны пажарам. Прыхаджане сабралі сродкі і ў хуткім часе храм адбудавалі. Напрыканцы 18 стагоддзя новымі гаспадарамі мястэчка сталі Скірмунты. У 1841 годзе Аляксандр Скірмунт фундаваў новы мураваны храм, які асвяцілі ў гонар Раства Багародзіцы. А. Скірмунт быў пахаваны каля царквы. Магіла яго захавалася да нашага часу. 

А. Скірмунт (1793 – 1845) – грамадскі і палітычны дзеяч. Пабраўся шлюбам з Гартэнзіяй з роду Ордаў, якая была сястрой кампазітара і мастака Напалеона Орды. У шлюбе нарадзілася дачка Гелена Скірмунт (1827 – 1874) – якая стала вядомым скульптарам і мастаком.

А старую драўляную царкву разабралі.

У 1912 годзе мястэчка наведаў вядомы беларускі этнограф Ісак Сербаў, які пакінуў чорна – белыя фатаздымкі царквы і магілы А. Скірмунта.

 Напрыканцы 19 стагоддзя пры храме была школа царкоўнай граматы. Царква з'яўляецца помнікам архітэктуры поздняга класіцызму і адносіцца да тыпу крыжова – купальных храмаў. Малітоўная зала аформлена, як васьмігранны аб'ём, які перакрыты гранёным драўляным паўсферычным купалам. У інтэр'еры ёсць двухярусны іканастас і абраз «Маці Божая Адзігітрыя» 18 стагоддзя.

 Царква адрамантавана ў апошнія гады.