Палонка. Царква Святога Мікалая.

У мястэчку Палонка Баранавіцкага раёна знаходзіцца драўляная царква Святога Мікалая.

Мястэчка ўпершыню сустракаецца ў гістарычных крыніцах у 15 стагоддзі ў часы Вялікага Княства Літоўскага. Было ўласнасцю Яна Літавора Храптовіча, затым княжаскага рода Сангушкаў–Несухоежскіх, і іншых гаспадароў. Знаходзіцца на старым Варшаўскім тракце паміж мястэчкам Новая Мыш і горадам Слонім.

У часы Вялікага Княства ў мястэчку быў пабудаваны каталіцкі дамініканскі манастыр. Зараз на гэтым месцы знаходзіцца драўляная царква Святога Мікалая, дагэтуль быў храм Параскевы Пятніцы. Манастыр дамінікаканцаў і касцёл былі зачынены ў часы Расійскай імперыі, і на гэтым месцы пабудавалі драўляную праваслаўную царкву Параскевы Пятніцы ў 1880 годзе. Храм быў узведзены ў рэтраспектыўна–рускім стылі з трохярусная званіцай.

Царкву разабралі ў часы Польскай дзяржавы ў 1924 годзе, бо будынак драўляны спарахнеў, і неабходны быў капіальны рамонт, або новы храм. Новую царкву асвяцілі ў 1937 годзе ў гонар Святога Мікалая. Пасля Вялікай Айчыннай вайны царкву зачынілі ў 1960–я гады, і перадалі вернікам будынак толькі напрыканцы існавання Савецкага Саюза. Быў праведзены рамонт. Царква дзейнічае.