Пладовая. Сядзіба Друцкіх–Любецкіх.

У мястэчку Пладовая ў Мастоўскім раёне да нашага часу захавалася мураваная праваслаўная царква і парэшткі сядзібы князей Друцкіх – Любецкіх. Мястэчка Пладовая знаходзіца каля вёскі Чарлёна і менавіта пад назвай Чарлёна і ўпамінаецца гэта мясціна ў гістарычнызх крыніцах. Упершыню мястэчка ў дакументах сустракаецца ў 16 стагоддзі ў часы Вялікага Княства Літоўскага.

Належыў тутэйшы маёнтак князю Канстанціну Крошынскаму. У 1513 годзе князь выдаў сваю дачку Ганну за магната Януша Сапегу і так мястэчка перайшло да Сапегаў. Потым гаспадары некалькі разоў мяняліся і зноў Сапегі выкупілі маёнтак. А ў 1799 годзе маёнтак Чарлёна набыў князь Францішак Друцкі – Любецкі (1741 - 1802). Гаспадарамі ў гэтых мясцінах гэты род быў да прыходу савецкай улады ў 1939 годзе.

 Быў узведзены драўляны палац, які быў пакрыты гонтам. У палацы над ганкам быў зроблены радавы герб. Наступным гаспадаром быў сын Францішка – Францішак Ксаверый (1778 - 1846). А потым да яго ўнука -Аляксандра Ксавер'евіча (1827 - 1898). Потым да сына Аляксандра – Уладзіслава Аляксандравіча Друцкага – Любецкага (1864 - 1913). Яго дочкі былі апошнімі гаспадарамі сядзібы: Яніна і Тэрэза Друцкія – Любецкія.

 Палац драўляны  да нашага часу не захаваўся. Да нашых дзён дайшла мураваная брама з калонамі і агароджай з жоўтай цэглы, парк і некалькі гаспадарчых пабудоў. Палац быў драўляны аднапавярховы. Парк рэгулярнага тыпу.