Пінск. Палескі драматычны тэатр

У горадзе Пінск у гістарычным цэнтры знаходзіцца Палескі драматычны тэатр. Сваю гісторыю тэатр пачынае з пачатку 20 стагоддзя, калі ў Пінску  было аж два тэатральных калектыва: тэатр братоў Гольцманаў і тэатр Каржанеўскага.

У 1939 годзе пасля аб'яднання Заходняй і Усходняй Беларусі ў Пінску быў створаны Палескі абласны драматычны тэатр. З горада Заславль у Пінск перавялі калгасна – саўгасны тэатр. Пасля вайны ў 1946 годзе тэатр аднавіў сваю працу на базе Палескага абласнога драматычнага тэатра ў горадзе Мазыр, а затым перавялі ў Пінск. І з гэтага часу тэатр пачаў называцца Пінскі абласны драматычны тэатр. У складзе трупы працаваў вядомы актор і рэжысёр Валянцін Іванавіч Ермаловіч.

 Пасля ліквідацыі Пінскай вобласці тэатр перавялі ў горад Магілёў, а будынак тэатра перадалі гарадскому дому культуры, дзе пачала працаваць аматарская тэатральная трупа. У 1959 годзе тэатр атрымаў званне Народнага аматарскага калектыву.  З 1992 года калектыў быў рэарганізаваны ў тэатр – студыю «Дыяген».  

Вясной 2006 года адбылося ўрачыстае адкрыццё Палескага драматычнага тэатра. Будынак тэатра з'яўляецца помнікам архітэктуры, які пабудаваны ў 1912 годзе ў стылі мадэрн. Спачатку тут быў кінематограф «Казіно». Глядзельная зала ўмяшчае 110 наведвальнікаў. Некалькі год таму побач з будынкам тэатра былі ўсталяваныя скульптуры герояў камедыйнай п'есы «Пінская шляхта» Вінцэнта Дуніна – Марцінкевіча.