Пелішча. Касцёл Найсвяцейшага Сэрца Езуса.

Паміж невялікімі гарадамі Камянец і Жабінка знаходзіцца маленькае мястэчка Пелішча, дзе на цэнтральнай вуліцы пабудаваны каталіцкі касцёл Найсвяцейшага Сэрца Ісуса. Першае ўпамінанне ў пісьмовых крыніцах адносіцца да 16 стагоддзя і ў той час Пелішча ўваходзіла ў склад Брэсцкага павета Брэсцкага ваяводства Вялікага Княства Літоўскага. Мястэчка належыла шляхецкаму роду Матушэвічаў, а ў 18 стагоддзі Пшаздзецкім. У Пелішчах захаваўся панскі парк з прудам былой сядзібы Гутоўскіх пад назвай Жыцін, каталіцкі касцёл і помнік савецкім танкістам, якія загінулі пры вызваленні ад гітлераўскіх захопнікаў у 1944 годзе.

 Касцёл мураваны пабудаваны з цэглы ў 1934 годзе. Гісторыя касцёла Сэрца Ісуса пачалася з таго, што ў 1925 годзе мясцовыя каталікі адправілі цэлую дэлегацыю да архібіскупа Віленскага па справам новага касцёла. Праект новага каталіцкага храма быў распрацаваў архітэктар з Брэста Вінцэнт Генрык Удавішэўскі. Восенню 1929 года залажылі падмурак касцёла, а восенню 1934 года ў лістападзе месяцы новы храм урачыста асвяцілі. Касцёл пабудаваны ў стылі мадэрн, які ў той час быў пашыраны на тэрыторыі Польскай дзярэавы. Бо з 1921 года пасля Рыжскага міру гэта тэрыторыя была да 1939 года пад уладай Польшчы. Асноўны аб'ём храма прамамавугольны ў плане, быў накрыты двухсхільным дахам з чарапіцай. Над галоўным фасадам надбудавана масіўная чацвярыковая вежа над якой узвышаецца невялікая вежачка – званіца. Галоўны ўваход аформлены парталам над якім размяшчаецца картуш.

У інтэр'еры храма захаваліся барочныя скульптуры апосталаў Пятра і Паўла.