Ворша. Мемарыял «Кацюша».

У першы месяц абароны нашай краіны ад гітлераўскіх захопнікаў вялікую ролю іграў чыгуначны вузел у горадзе Ворша. Гітлераўцы рваліся імкліва да Масквы. І тут пад Воршай 14 ліпеня 1941 года абдылося першае выкарыстанне батарэі рэактыўнай артылерыі БМ – 13, якую ўсе мы ведаем народную назву «Кацюша». Першы залп батарэі пад камандваннем капітана Івана Флёрава быў дадзены па акупіраванаму гітлераўцамі чыгуначнаму вакзалу Воршы, дзе было вялікае скапленне жывой сілы і тэхнікі нацыстаў. У гонар гэтай гістарычнай падзеі ў 1966 годзе быў створаны на беразе Дняпра ў цэнтры Воршы мемарыял «За нашу Савецкую Радзіму». Адкрыццё помніка было прымеркавана да 25 – годдзя першага залпа «Кацюшы». Аўтарамі мемарыяла сталі вядомыя беларускія архітэктары: Валенцін Занковіч, Леанід Левін і Юрый Градаў. На стромкім левым беразе Дняпра, адразу за мастом, на п'едэсталах устаноўлена легендарная пускавая ўстаноўка «Кацюша», а таксама 6 макетаў, зробленых з бетона. Каля ўвахода на мемарыял знаходзіцца куб чорнага колеру на якім напісана дата першага выкарыстання рэактыўнай зброі. Каля помніка ёсць аўтамабільная стаянка і да яго зручна падыйсці пехатой і пад'ехаць на аўтамабілі.