Відзы. Магіла генерала Томаша Ваўжэцкага.

Калі ехаць у Відзы па дарозе з Пастаў, то ў пачатку пасёлка, адразу за крамай, ля дарогі з правага боку, знаходзіцца магіла легендарнага генерала Томаша Ваўжэцкага (1753 – 1816).

Ваўжэцкі нарадзіўся ў Браслаўскім павеце. Скончыў школу манахаў-езуітаў у Відзах. Ён быў выдатным практиком–юристом і правазнаўцам. Займаў важныя пасады ў дзяржаве: браслаўскі харунжы, падстараста ковенскі, падкорм ковенскі, харунжы вялікі літоўскі. Ён быў паслом Браслаўскага павета на знакамітым Чатырохгадовым сойме ў 1788-1792 гадах. Падтрымаў Канстытуцыю ад 3 мая 1791 года, прынятую ў Рэчы Паспалітай і якая стала першай канстытуцыяй у Еўропе і другой пасля ЗША. У сваім маёнтку Відзы-Лаўчынскія ён даў свабоду сялянам і адмяніў падаткі. Разам з некаторымі амбасадарамі ён выступаў за паляпшэнне становішча сялянства.

У час паўстання 1794 года пад кіраўніцтвам Тадэвуша Касцюшкі прыняў актыўны ўдзел у паўстанні і атрымаў чын генерал-лейтэнанта. Пасля таго як Т. Касцюшка патрапіў у палон, Томаш быў абраны "вярхоўным начальнікам", г.зн. кіраўніком паўстання на тэрыторыі Рэчы Паспалітай. Калі Варшава ўпала, Т. Ваўжэцкі быў узяты ў палон і заключаны ў Петрапаўлаўскую крэпасць. Пасля амністыі імператара Паўла I ён быў вызвалены. Жыў і працаваў у Вільні. Пасля вайны з Напалеонам ён займаў пасаду міністра юстыцыі ў Каралеўстве Польскім. Т. Ваўжэцкі памёр у Варшаве. Пахаваны ў Відзах.