Навагрудак. Царква Святога Мікалая і манастыр францысканцаў

У гістарычным цэнтры Навагрудка побач з былой гандлёвай плошчай па вуліцы Гродзенскай знаходзіца будынак былога касцёла і манастыра францысканцаў. Зараз гэта праваслаўная царква Святога Мікалая.

Каталіцкі ордэн францысканцаў у горадзе быў ужо ў 14 стагоддзі.

У 1434 годзе пабудаваны драўляны касцёл. Мураваны касцёл і манастыр францысканцаў створаны ў 1780–х гадах у часы Вялікага княства Літоўскага. Фундатарам пабудовы святыні быў Тамаш Вайніловіч. У тыя часы вуліца Гродзенская называлася Францысканаскай, паколькі тут была каталіцка святыня, якая належыла францысканцам.

Пасля анцірасійскага паўстання 1830 – 1831 гадоў у часы Расійскай імперыі спачатку быў зачынены манастыр, а потым ў 1846 годзе касцёл перадалі пад праваслаўную царкву. Касцёл, які быў узведзены ў стылі барока, быў перабудаваны пад царкву Святога Мікалая.

У 1852 годзе святыня была значна перабудавана пасля вялікага пажара. І будынак, які меў рысы позняга барока, набыў новы стыль, які называецца руска–візантыйскі.

Храм – гэта трохнефная базіліка з пяціграннай апсідай. Галоўны фасад антаблементам падзелены на тры ярусы. Вокны на галоўным фасадзе, якія маюць паўцыркулярныя арачныя завяршэнні, зашклёныя вітражамі.