Реклама. ООО «Бронирование гостиниц». ИНН 7703389880
Навагрудак. Гандлёвыя рады.
Славутасьць
Беларусь, Гродзенская вобл., Навагрудак, вул. Мінская, 3.
Апісанне
У цэнтры горада Навагрудка на вуліцы Мінскай знаходзяцца гандлёвыя рады, якія былі ўзведзены ў пачатку 19 стагоддзя ў стылі класіцызму. Будынак мураваны аднапавярховы з каланадай дарычнага ордэра. Большая частка гандёвых радоў знаходзілася на былой гандлёвай плошчы і да нашага часу не захаваліся. У будынку знаходзіцца магазін. Галоўным фасадам помнік выходзiць на гарадскі парк з домам–музеем А. Міцкевіча, помнікам савецкім воінам і алеяй ліхтароў.
Катэгорыі
Гістарычнае
Помнік архітэктуры
Застаняцеся на ноч?
Гатэлі, кватэры і дамы для паездкі па Беларусі. Выберыце сэрвіс і паглядзіце даступныя варыянты.

Реклама. АО "СУТОЧНО". ИНН 7300037501
Реклама. ООО «Яндекс Вертикали». ИНН 7736207543
Браніраванне на сайце сэрвісу. Мы можам атрымаць камісію.
Пра сэрвісыКаментары
Нататкі да месца
1Алег Дзьячкоу
04.02.2025
Навагрудак. Гандлёвыя рады
У гістарычным цэнтры Навагрудка на былой гандлёвай плошчы захаваліся часткова гандлёвыя рады. Рады былі пабудаваны ў пачатку 19 стагоддзя ў стылі класіцызму ў 1812 годзе. Лічыцца, што рады ўзведзены па тыпавому праекту, якія распрацаваныя ў Санкт – Пецярбургу. Большая частка карпусоў гандлёвых радоў знаходзілася непасрэдна на гандлёвай плошчы – гэта зараз плошча Леніна. Гандлёвая плошча сфарміравалася яшчэ ў часы Вялікага Княства Літоўскага і тут былі ратуша, гандлёвыя рады і дамы купцоў і мяшчан, палац Радзіввілаў. Забудова гандлёвай плошчы захавалася часткова і адным з аўтэнтычных старажытных будынкаў з'яўляецца адзін з будынкаў гандлёвых радоў.
Пасля Вялікай Айчыннай вайны ў 1953 годзе будынак было вырашана прыстасаваць пад магазін. Была праведзена рэстаўрацыя і ўнутраная перапланіроўка будынка: канструкцыю даху панізілі, а каланаду абліцавалі дэкаратыўнай керамічнай пліткай.
Корпус гандлёвых радоў мае ў плане выцягнутую трапецыю. Накрыты помнік двухскатным дахам з трохвугольным франтонам на тарцах. Галоўны паўднёвы фасад, які выходзе на вуліцу Мінскую мае прамавугольныя ваконныя праёмы. Уздоўж галоўнага фасада створана прахадная галерэя з калонамі дарычнага ордэра. Унутры памяшкання знаходзяцца гандлёвы зал і складскія памяшканні.
