Навагрудак. Помнік Адаму Міцкевічу

Калі будзеце вандраваць па гістарычнаму цэнтру старажытнага Навагрудка, то вы абавязкова прыйдзеце да замка і Кургана Адама Міцкевіча. Каля ўваходу ў замак з левага боку ўзвышаецца велічны помнік выбітнаму беларускаму і польскаму паэту Адаму Міцкевічу (1798 - 1855).

Менавіта тут усталяваны помнік невыпадкова, бо тут кожны будынак, і кожная сцежка звязаная з паэтам. Непадалёк каля замка знаходзіцца фарны касцёл, дзе быў ахрышчаны Адам, на плошчы школа дамініканцаў, дзе вучыўся паэт, каля плошчы ў парку дом, дзе прайшлі дзіцячыя і юнацкія гады Міцкевіча. І каля замка ідзе дарога да Кургана Адама Міцкевіча, які быў створаны ў пачатку 20 стагоддзя ў часы Польскай дзяржавы.

 Помнік быў урачыста адчынены ў верасні 1992 года пры ўдзелі шматлікіх гасцей, жыхароў горада і ганаровых гасцей. У гэтыя дні ў старажытным Навагрудку праводзілася Міжнароднае свята ў гонар Паэта.

 Скульптарам гэтага твора мастацтва з'яўляецца вядомы беларускі мастак і скульптар Валяр'ян Іосіфавіч Янушкевіч. Скульптура усталявана на вялізным валуне. Скульптура бронзавая і вышыня складае больш трох метраў.