Навагрудак. Плошча Леніна, былая гандлёвая

У гістарычным цэнтры Навагрудка ёсць былая гандлёвая плошча, якая зараз вядомая, як плошча Леніна. На плошчы да нашага часу захавалася некалькі культавых будынкаў, дамы купецкія і крамаў, гандлёвыя рады.

Побач знаходзіцца царква Святога Мікалая, якая да 19 стагоддзя належыла каталіцкаму касцёлу і манастыру францысканцаў. Адзін са старэйшых храмаў знаходзіцца каля плошчы – гэта Барыса–Глебская царква 12 – 18 стагоддзяў. Дамініканскі манастыр і касцёл Святога Міхаіла Архангела знаходзіцца непасрэдна на плошчы. Пры дамініканскім манастыры была школа ў 19 стагоддзі, дзе вучыўся паэт Адам Міцкевіч.

Побач была ратуша, якая не захавалася да нашага часу. Зараз на тым месцы сучасны будынак «Дзецкі мір» і іншыя крамы. Ёсць малюнак і чарцёж ратушы.

У пачатку 19 стагоддзя былі на плошчы і побач пабудаваныя гандлёвыя рады ў стылі класіцызму. Большая частка радоў не дайшла да нашага часу. Толькі адзін будынак невялікі гандлёвых радоў з тых часоў знаходзіцца па вуліцы Мінскай дом 3 побач з плошчай.

Суседні будынак у часы Вялікага Княства Літоўскага быў касцёл езуітаў і калегіум, якія былі зачынены ў 19 стагоддзі ў часы Расійскай імперыі і паступова былі разабраныя.

Таксама на плошчы быў мураваны двухпавярховы палац Радзівілаў.

У апошнія гады плошча добраўпарадкавана. Старажытныя будынкі дамоў рамеснікаў і купцоў, культавых будынкаў адрэстаўраваныя. Сучасная назва плошчы – плошча Леніна, якому тут жа на ўскрайку ўсталяваны невялікі помнік.