Наваельня. Будынак чыгуначнай станцыі.

Праз мястэчка Наваельня з 19 стагоддзя праходзе чыгуначны шлях з Вільнюса на Лунінец. Чыгунка была праложана ў 1884 годзе. Праз некалькі год у 1886 годзе ў Наваельні пабудавалі чыгуначную станцыю. А за польскім часам у 1923 годзе быў узведзены ўжо вялікі сучасны будынак у стылі неабарока.

У час Першай сусветнай вайны ў 1914 годзе для выканання вайсковых перавозак, была пабудавана вузкакалейная дарога Наваельня – Навагрудак, а для тэхнічнага абслугоўвання цягнікоў і вагонаў у Наваельні было пабудавана паравознае дэпо. Ужо ў пасляваенны час у 1960 – х гадах вузкакалейную чыгунку разабралі.

У 2023 годзе на Дзень чыгуначніка да стогадовага юбілея станцыі быў адкрыты памятны знак «Станцыённы звон», які ўсталяваны на будынку вакзала. Праз гэтую чыгуначную станцыю праходзяць маршруты цягнікоў, якія звязваюць Брэсцкую, Гомельскую і Гродзенскія вобласці. Сярэдняя працягласць прыпынку цягніка зараз складае прыкладна 2 хвіліны.

Будынак станцыі мураваны двухпавярховы. Выкананы ў элементамі неабарока і закапанскага стыля. Закапанскі архітэктурны стыль узнік на тэрыторыі Польшчы напрыканцы 19 стагоддзя. Быў распаўсюджаны на тэрыторыі Беларусі ў час уваходжання беларускіх земляў у час Польскай дзяржавы ў міжваенны перыяд 1921 – 1939 гадоў. Першыя праекты былі рэалізаваны ў курортным горадзе Закапанэ – адсюль і пайшла назва гэтай плыні ў архітэктуры.