Мсціслаў. Тупічэўскі манастыр

Горад Мсціслаў і яго ваколіцы з часоў Вялікага княства Літоўскага быў слаўны сваімі хрысціянскімі святынямі і праваслаўнымі манастырамі. Адной з праваслаўных перлін Мсціслава быў Тупічэўскі манастыр. Святыня была заснаваная ў сярэдзіне 17 стагоддзя. Будавалася ў некалькі этапаў. І к пачатку 20 стагоддзя на тэрыторыі манастыра існавала 4 царквы: Святога Духа, Увядзенскай, Успенскай і Святога МІкалая. Таксама быў  цэлы шэраг гаспадарчых пабудоў. У 1645 годзе царкву Святога Духа асвяциў епіскап Сільвестр Косаў. У верасні 1708 года, у час Паўночнай вайны, на службе ў манастыры пабываў маскоўскі цар Пётар І. У савецкія часы манастыр быў зачынены і ў самай старой царкве быў адчынены мясцовы краязнаўчы музей. Манастыр моцна пацярпеў у час апошняй вайны і быў канчаткова знесены ў 1950 – х гадах. І на месцы манастыра быў пабудаваны мясцовы малочны завод. У апошнія гады фрагмент мураванай агароджы 19 стагоддзя, уязная брама і 2 бакавыя капліцы адрэстаўраваныя. Толькі, каб вам пабачыць браму і капліцы 19 стагоддзя, вам трэба ад цэнтральнай прахадной малочнага завода пайсці ў левы бок у здоўж агароджы па завулку каля прыватнага сектара па перыметры завода.