Магілёў. Мемарыял «Змагарам за Савецкую ўладу».

Старэйшая плошча ў горадзе Магілёве – гэта Плошча Славы. Яна першапачаткова была пад назвай Гандлёвая, а потым Губернатарская. У савецкія часы плошчу назвалі Савецкая плошча і некалькі год таму пераіменавалі ў Плошчу Славы.

 Пасля Вялікай Айчыннай Вайны на плошчы быў створаны мемарыял пад назвай «Змагарам за Савецкую ўладу». Помнік прысвечаны дасягненням Савецкай улады ў Магілёўскім краі. Мемарыял створаны на Савецкай плошчы ў 1982 годзе на высокім беразе ракі Днепр. Помнік ствараўся цэлым творчым калектывам з удзелам скульптара Л. Гумілеўскага, архітэктара К. Аляксеева і А. Іванова. Першапачаткова быў праведзены гарадскі конкурс на стварэнне мемарыяла і разглядалася некалькі варыянтаў помніка. Адзін з варыянтаў быў такі, што статуя павінна была быць павернута да Дняпра, а спіной да плошчы. Але і таму помніку, што атрымаўся, гараджане прыдумалі мянушку – «Аксана, бягучая з Лаўсана». Бо ў далечыні за Дняпром, за горадам, бачныя высокія трубы хімкамбіната Лаўсан.

Архітэктурнай дамінантай мемарыяла з'яўляецца бронзавая фігура жанчыны, вышынёй 7 метраў, якая знаходзіцца на гранітным пастаменце. Вышыня пастамента 13 метраў. Перад манументам наплошчы знаходзіцца пяць стэл з бронзавымі барэльефамі, якія распавядаюць пра савецкі перыяд Магілёўшчыны: рэвалюцыя 1917 года, калектывізацыя, абарона Магілёва летам 1941 года, партызанскі рух і аднаўленне нашага краю пасля вайны. У цэнтры мемарыяла каля манумента гарыць вечны агонь. Пляц на мемарыяле вылажаны камнем.