Магілёў. Яўрэйская школа Талмуд – Тора

У гістарычным цэнтры Магілёва ёсць старадаўняя вуліца К. Маркса, раней называлася Зялёная. На вуліцы ёсць некалькі помнікаў архітэктуры. Калі ісці на К. Маркса з боку Плошчы Арджанікідзэ, то з права углавы дом – гэта будынак 19 стагоддзя былой фельдшарска – павівальнай школы, а метраў праз сто з лева вы пабачыце трохпавярховы будынак з чырвонай цэглы. Гэта былая іўдзейская школа , так званая Талмуд – Тора.

Будынак узведзены на мяжы 19 – 20 стагоддзяў у стылі мадэрн. Школу пабудавалі на сродкі купца першай гільдзіі Ш.І. Ратнера. Тут навучаліся пераважна дзеці сіраты і дзеці з бедных сямей. Курс навучання ў школе працягваўся на 6 год і акрамя рэлігійных дысцыплін тут выкладаліся таксама яўрэйскую літаратуру і мову, асновы арыфметыкі. Гэта была сучасная Талмуд – Тора пры якой былі адчынены і рамесныя класы. Каб вучні на працягу навучання маглі займець спецыяльнасць. І пры гэтай Талмуд – Торы ў 1899 годзе была адчынена рамеснае вучылішча, якое ў 1903 годзе было названа яўрэйскім рамесным вучылішчам. Вучылішча было пабудавана асобным будынкам у іншай частцы горада, недалёка ад Быхаўскага рынка.

На сённяшні дзень будынак былой Талмуд – Торы адрэстаўраваны. Тут працуе медыцынская ўстанова.