Магілёў. Медыцынскі каледж

У горадзе Магілёве працуе Дзяржаўны медыцынскі каледж, які сваю гісторыю пачынае аж з 1865 году. Менавіта ў 19 стагоддзі была ў Магілёве адчынена павівальная школа, як самастойная навучальная ўстанова. Павітухі – гэта медыцынскія спецыялісты – акушэркі, якія прымалі роды. Павівальная школа была адчынена па прапанове акушэра Магілёўскай губернскай урачэбнай управы Мікалая Мандэльштама.

 Для школы быў пабудаваны асобны трохпавярховы мураваны будынак, які і дагэтуль знаходзіцца недалёка ад Плошчы Арджанікідзэ на вуліцы К.Маркса, былой вуліцы Зялёнай.

У павівальнай школе навучаліся жанчыны, якім было ад 20 да 35 год. Прымалася па 18 чалавек на кожны курс: 4 чалавека ад вольнаслухачоў і 14 ад сялянак і аплата была па 40 рублёў за кожны курс навучання. Выкладчыкамі ў школе былі дырэктар М. Мандэльштам і высокакваліфікаваныя ўрачы, выпускнікі Маскоўскага, Кіеўскага і Харкаўскага ўніверсітэтаў. З 1874 года школа стала Цэнтральнай павівальнай школай для Магілёўскай, Віцебскай і Мінскай губерній. Большасць вучняў вучылася па 2 гады. З 1875 года адчынілася для фельдшароў школа, для якой спецыяльна пабудавалі трохпавярховы мураваны будынак, у якім зараз знаходзіцца корпус № 1 Магілёўскага дзяржаўнага медыцынскага каледжа. У пачатку 20 стагоддзя фельдшарская школа была прэабразавана ў Магілёўскую фельдшарска – акушэрскую.

 Пасля рэвалюцыі ў 1920 – х гадах на базе школы быў адчынены медыцынскі тэхнікум, а затым медпалітэхнікум. Затым называлася медыцынскае вучылішча. А з 2007 года ўстанова стала называцца «Магілёўскі дзяржаўны медыцынскі коледж».