Лоўчыцы. Мячэць

У мястэчку Лоўчыцы Навагрудскага раёна ёсць драўляная мячэць. Каб патрапіць у мястэчка вам трэба ехаць з Навагрудка на Бярозаўку і павярнуць у левы бок на Католышы і Лоўчыцы. Храм знаходзіцца на ўзвышшы, на пагорку на мясцовых татарскіх могілках. Каб падыйсці да храма неабходна ўзбірацца па прыступках на пагорак.

Мячэць у Лоўчыцах лічыцца адной з самых старых на Беларусі і была заснавана ў 1420 годзе. Па некаторым іншым крыніцам першая мячэць тут была пабудавана недзе ў  1530 – я гады, калі мястэчкам валодаў князь Муртаза Багатырэвіч. У 18 стагоддзі пасаду мулы ў Лоўчыцах па спадчыне пераходзіла ў сям'і Асановічаў. У савецкія часы мячэць не выкарыстоўвалася і будынак прыйшоў у заняпад.

Некалькі год таму помнік адрамантавалі. Памянялі дах. Будынак храма драўляны, у плане прамавугольны, які накрыты вальмавым дахам. Каля помніка на пагорку знаходзіцца мізар – мусульманскія татарскія могілкі. Даследчыкі лічаць, што самыя старыя пахаванні на тутэйшых могілках адносяцца да 16 стагоддзя. Захавалася шмат надмагільных пліт з выявай полумесяца. І зараз тут таксама адбываюцца пахаванні мусульман і на некаторых надмагільных помніках надпісы зроблены на рускай і арабскіх мовах. Мясцовыя могілкі для мусульман Беларусі з'яўляюцца месцам паломніцтва.